Мэдээллийн аюулгүй байдал
Компанийн систем, сүлжээ, мэдээлэл, мэдээллийн дэд бүтэц болон мэдээллийн орчинд доорх шинжийг тэнцвэртэй хангахад чиглэгдэнэ.
Confidentiality буюу нууцлал, халдашгүй байдал – Компанийн болон бусад хамааралтай систем, сүлжээний өгөгдөл, мэдээлэл, мэдээлэл боловсруулах хэрэгслүүдэд зөвхөн зөвшөөрөгдсөн хүн нэвтрэх, хандах боломжтой байх, эрх олгогдоогүй этгээд, байгууллага, процессын зүгээс хандах боломжгүй, хаалттай байх.
Integrity буюу бүрэн бүтэн байдал – Компанийн болон хамааралтай систем, сүлжээний өгөгдөл, мэдээлэл цаг үедээ нийцсэн, хууль бусаар өөрчлөгдөхөөс хамгаалагдсан байх, мэдээлэлтэй холбоотой өмч хөрөнгө үнэн зөв, нийцтэй, бүрэн дүүрэн байх
Availability буюу хүртээмжтэй байдал – Эрх бүхий этгээд компанийн болон хамааралтай систем, сүлжээний өгөгдөл, мэдээлэлд хүссэн үедээ, дурын цэгээс хууль ёсоор хандах, ашиглах боломжийг хангах
Хувийн мэдээлэл
Хувийн мэдээллийг зөвхөн мэдээллийн эзнээс зөвшөөрөл авсны үндсэн дээр цуглуулж авах ба доорх дүрмийг хэрэгжүүлнэ.
Нарийвчлалтай ба тогтмол шинэчлэх
Хууль ёсны дагуу ба тодорхой зорилгын хүрээнд хамгийн бага түвшинд цуглуулах
Хууль эрх зүйн болон ёс зүйн шаардлагыг дагаж мөрдөх
Зөвшөөрөгдөөгүй, хууль бус хандалтаас хамгаалах
Албан бус харилцаа үүсгэхгүй байх
Тодорхойлсон хадгалах хугацаанаас илүү удаан хадгалахгүй
Мэдээллийн эзэн зөвшөөрөөгүй тохиолдолд гуравдагч талтай хуваалцахгүй
Хувийн мэдээллийн хамгаалалтыг зохих ёсоор хангаагүй сонирхогч талруу шилжүүлэхгүй.
Мэдээллийн аюулгүй байдал болон хувийн мэдээлэл нууцлалын бодлого
Хамтран ажиллагч байгууллага, үйлчлүүлэгчийн мэдээллийн нууцлал, бүрэн бүтэн, хүртээмжтэй байдлыг хангах замаар итгэлцлийг бий болгоно.
Мэдээллийн аюулгүй байдлыг хангахад шаардлагатай баримт бичгүүдийг боловсруулан хэрэгжүүлж соёлыг бий болгон боловсрол мэдлэгийг түгээнэ.
Хувийн мэдээлийг Компанийн маш нууц мэдээлэлтэй ижил түвшинд тооцон цуглуулж, боловсруулж, хадгалж, устгана.
Мэдээллийн аюулгүй байдлын менежментийн тогтолцоог хэрэгжүүлэн улам бэхжүүлж, Монгол улсын хууль тогтоомжийн хүрээнд тасралтгүй сайжруулна.