Хөдөө аж ахуйн салбарт үйл ажиллагаа эрхэлж буй иргэд, аж ахуйн нэгжүүдийг санхүү, тоног төхөөрөмж, түүхий эд, үр, бордоо болон үйлдвэрлэл, үйл ажиллагаанд шаардлагатай бусад нөөцөөр дэмжих чиг үүрэг бүхий төрийн өмчит хязгаарлагдмал хариуцлагатай компанийн үндсэн үйл ажиллагааг энэхүү системээр зохион байгуулж байна. Тус систем нь ТҮНС-тэй шууд холбогдон ажилладгаараа давуу талтай бөгөөд ингэснээр мэдээллийн уялдаа холбоо сайжирч, дэмжлэг үйлчилгээний хэрэгжилт, хяналт, бүртгэл, шийдвэр гаргалтыг илүү шуурхай, нэгдсэн байдлаар хэрэгжүүлэх боломж бүрддэг.