Монгол Улсад нийслэл, аймаг, сум болон төв лаборатори бүхий сүлжээ тогтолцоо цор ганц байдаг нь мал эмнэлгийн лабораторийн сүлжээ юм. Сүүлийн 7 жилийн хугацаанд хөгжүүлэгдсэн энэхүү систем нь махны үйлдвэр, гааль, худалдаа аж үйлдвэрийн танхим, нэг цонх, стандарт хэмжил зүй гэх мэт улсын хэмжээний томоохон мэдээллийн сангуудтай холбогдон ажилладаг бөгөөд хөдөө аж ахуйн салбарын түүхий эд, мал амьтны өвчин, тандалт, бүтээгдэхүүн үйлдвэрлэлийн үйл явцын хамгийн чухал хэсэг болоод байна. Монгол Улсын мал эмнэлгийн салбарт лабораторийн тогтолцоо сүлжээ хэлбэрээр ажиллаж эхэлснээр өгөгдөл солилцоо, мэдээллийн удирдлагын дараагийн шатанд гарсан юм.