ХХААХҮЯ-ны Мал аж ахуйн нэгдсэн систем /МААНС/ нь мал бүхий иргэн, малчин болон малын үндсэн бүртгэлээс эхлэн усан хангамж, хашаа хороо, хадлан, тэжээлийн болон малын үзлэг ангилалт, тооны өөрчлөлтийн мэдээлэл агуулдаг. Монгол Улсын хэмжээнд бүх сум, аймаг, нийслэл, ХХААХҮЯ-ны мэргэжилнүүд өдөр тутам ашигладаг мал аж ахуйн салбарын төв систем юм. Мөн сүргийн эргэлт тооцооллын системтэй холбогдсон байдаг томоохон давуу талыг бий болгодог. Тус системийн тусламжтайгаар малчдын хариуцлагатай байдлын үнэлгээг гаргах бөгөөд малчин хэрхэн үр ашигтай аж ахуй эрхэлж буйг тодорхойлох боломжтой.