“Дижитал Медик” ХХК-тай хамтран лабораторийн мэдээллийн удирдлагын системийг нэвтрүүлснээр манай байгууллагын дээжийн бүртгэл, шинжилгээний явц, үр дүнгийн хяналт, тайлагналын үйл ажиллагаа илүү системтэй, шуурхай болсон. Тус компани нь лабораторийн бодит ажлын урсгал, хэрэглэгчийн хэрэгцээг ойлгон хөгжүүлэлт, тохируулгыг хийж, нэвтрүүлэлтийн дараах сургалт, техникийн дэмжлэгийг тогтмол үзүүлсэн нь системийг үр дүнтэй ашиглахад чухал нөлөө үзүүлсэн. Энэхүү хамтын ажиллагааг лабораторийн үйл ажиллагааны цахим шилжилтийг дэмжсэн бодитой, үр өгөөжтэй ажил болсон гэж үнэлж байна.

Л.Ариунтунгалаг

Хүнсний аюулгүй байдлын үндэсний лавлагаа лаборатори, Мэдээллийн технологи хариуцсан мэргэжилтэн

Швейцарийн хөгжлийн агентлагийн “Ногоон алт – Малын эрүүл мэнд” төслийн хүрээнд мал эмнэлгийн салбарын мэдээллийн удирдлага, үйлчилгээний чанар, хүртээмжийг сайжруулахад чиглэсэн томоохон ажлуудыг үе шаттайгаар хэрэгжүүлсэн. Энэ хүрээнд Мал эмнэлгийн нэгдсэн системийг хөгжүүлэх, нэвтрүүлэх ажлыг хамтран хэрэгжүүлэхэд “Дижитал Медик” ХХК нь техникийн чадавх, салбарын ойлголт, хэрэгжилтийн туршлагаа сайн харуулж ажилласан гэж үзэж байна.

С.Дивангар

Швейцарийн хөгжлийн агентлагийн “Ногоон алт – Малын эрүүл мэнд” төсөл, Мал эмнэлэг хариуцсан мэргэжилтэн

Хүнс, хөдөө аж ахуй, хөнгөн үйлдвэрийн яамны бодлого, төлөвлөлт, салбарын мэдээллийн уялдаа холбоог сайжруулах хүрээнд Мал аж ахуйн нэгдсэн системийг хөгжүүлэх, нэвтрүүлэх ажил нь цаг үеэ олсон, ач холбогдол өндөртэй санаачилга болсон гэж үзэж байна. Энэхүү ажлыг хамтран хэрэгжүүлэх явцад “Дижитал Медик” ХХК нь зөвхөн техникийн гүйцэтгэгч бус, салбарын бодит хэрэгцээ, төрийн байгууллагын мэдээллийн урсгал, хэрэглэгчийн шаардлагыг ойлгон уялдуулж ажилласан нь онцлог байлаа.

О.Номинболор

Хүнс, хөдөө аж ахуй, хөнгөн үйлдвэрийн яам, Малын генетик нөөцийн бүртгэл, мэдээлэл хариуцсан ахлах мэргэжилтэн